تبریز سسی : حؤرمتلي و ده يه رلي يولداشلار:

قوتسال حركتيميزين و مؤقددس آماجيميزين يولوندا اولان چتينليكله ر و پيرابلئمله ري قالديرماق تمل آدديملارداندير.

نئچه آي اؤنجه ده ن باشلايان بايراق و يا سيمگه تارتيشماسي،ميللي حركتين ايچه ريسينده اؤزه ل يئر آچيب و ميللي فعاللاريميزين چئشيدلي دؤشؤنجه و آنلاملاريني آچيب آيدينجاسينا گؤسته رير.بو بيزيم ائليميزده،ده يه رلي و ساوادلي اينسانلاريميزين اولماسينا بؤيؤك بير ثوبوتدور. اولوسلار آراسي بئلنچي تارتيشمالارين اوصولي و منطيقي اولماقلا بئله،دانيشيق يولونو سئچير له ر.

من اؤزلويومده عزيز و حؤرمتلي ميللتچي باجي و قارداشلاريمدان بير سورغوسوروب اونا جاواب گؤزله ييره م.اگر آذربايجان خالقينين دوولتي قورولوب،بو تئزليگه ميللي مجليسي اولماسا،بيزيم خالقيميز و اونون قوتسال حركتي سيمبولسيز قالاجاقمي؟

بو تارتيشمالارين اوزانما نتيجه سي ندير و نده ن بؤيله بير حركتي،بيلمه ده ن بؤلؤنمه يه سوروكله ييريز؟دؤشمن و دؤشمنله ريميزهر يؤنده ن بيزي بورويوب و آغيلا سيغمايان فيتنه لر و شيلتاقليقلا يولوموزدان آزديريب ميللي حركتي گؤزده ن سالماق ايسته يير.البتته دئمه لي ييك كي كئچه ن سكسن ايلين بويوندا قددار حاكيمييت و فارس شوونيزمي خالق و اؤزگؤر حركاتيميزين ايچه ري فرقله رينده ن ايستيفاده ائديب،تفرقه قورقوسوني گؤنؤ-گؤنده ن گئنيشلنديريب،آماجيميزا اولمازين ضربه لريني ائنديريبله ر.البتته بو آرادا غافيل اينسانلاريندا رولو آز اولماييبدير.

 يئني دؤنيا چاغداش حركاتيندا سؤپر گؤج دئولتله رين سينيرسيز هوجوملاري(ايقتيصادي،سيياسي،كؤلتؤرال ومدني)و ساواشي چوخ يئيين ضعيف و اسير   ميللتله ري ازيب،تاپدالاييب،آرادان قالديرماقدادير.گؤنؤن ضروره تله رينه گؤر ه بؤيؤك وظيفه دير كي اؤز آراميزدا اولان سليقه فرقله ريني سهمانلاييب،گؤجلؤ   بير ايتتيحاد و بير ليگه يئتيشمك اؤچؤن جسارتلي آدديم آتاق.رحمتليك ائلچي بي دئميشكن:واقتيندا جساره تله آتيلان آدديم.

بو سيمگه تارتيشماسيني بو قده ر اوزاديب دؤشمن قوروقوسونا بلي دئييب،سؤزله ر و كلمه لرله اويناماق،بؤيؤك خالقيميزين و ها بئله مؤقددس      آنا يورودوموزون طالئحي ايله اويناماقدير.بير حالداكي غربي آذربايجاني كؤرد شوونيزمي ازيب،غئيره تلي ائولادلاريميزي شهيد ائتمكده دير،بايراق و يا سيمگه پيرابلئمي يوخدور .قوي سيمگه تارتيشماسي بيزلره عار اولسون.

 بو سيمگه پيرابلئميني اوزادانلار و اونا توخونانلار كيمله ردير له ر؟ندير مقصدله ري؟بونلار كيمين ايذني ايله بو قده ر اؤزله رينه ايذين وئريرله ر كي خالقيميزين طالئحي ايله اويناسينلار؟آيا حقيقي ميللتچيدير له ريوخسا دؤشمن ده ييرمانينا سو تؤكن؟

حؤرمتلي و ده يه رلي باجي و قارداشلاريم؛ميللي حركتيميز گؤن ضروره تله رينده ن قايناقلانيب،آذربايجان خالقينين محرومييت و اساره تين درك ائله يه ركن،بؤتؤن تفككؤرله رله ياناشي اؤزؤنؤ گتيريب بو گؤنه چاتديريبدير. اؤزؤنؤ درك ائله يه ن خالقيميزين،درديني،دويغوسونو تمثيل ائده ن بو حركت يقين كي بو تفره قه لرله چاشيب،يولونو ايتيره ن دئييل.اودوركي كور شوونيزم نتيجه سيز بير چاليشمادا،اونو ضعيفله ديب گؤزده ن سالملق ايسته يير.گلين بيرليكده بو چاليشمالاري سونسوز ائده ك.

گلين بيرليكده بو ضرورتله ري آنلاياراق،بؤركؤمؤزي قاباقيميزا قويوب بير آز ده رينده ن دؤشؤنه ك.اگر حقيقي بير ميللتچي اولوروقسا،بير بئله تارتيشمالار نه دئمكدير؟نه يي ثابيت ائتمك ايسته ييريك؟يوخ،اگر دوغرو بير ميللتچي دئييليكسه،اوره ييميز خالقيميزا يوخ،آذربايجانادا يانمير اوندا باشقا پيرابلئم.قويون غربي آذربايجاني آپارسينلار،همداني،قزويني،قومي،ساوه ني،فارس شوونيزمي اؤزؤنه چيخسين.نه غميميز.بيز بوگؤن سيمگه تارتيشماسيندا بيرليگه ال تاپا بيلمه سك صاباح نئجه آنا تورپاقيميزدان مودافيعه ائده جه ييك؟بيزه عار اولسون.آما من امينم كي اؤره ييميز بؤتؤو آذربايجان اؤچؤن چيرپينير و اونون طالئحي اؤز شخصي طالئحيميز كيمي اؤنملي و ده يه رليدير.گلين گؤنؤ-گؤنه ساتماياق كي...

من اوزومو يوردوموزو،خالقيميزي دوشونن پارتيالار و تشكيلاتلارا توتوب اونلاردان ريجا ائديره م گلين بابكين روحونون راحاتليغينا،بو بايراق پيرابلئميني قورتاريب ستارخانين،خييابانينين،پيشه وه رينين و...نيگرا ن گؤزله ريني يولدان ييغيب اؤزؤمؤزه ابدي نعمت و رحمت قازاناق.ائله بو قارا آي اولدوز سيمگه سي خالقيميزين درديني لمس ائديب،آذربايجان يوردونون اسارت و ايشغال آلتيندا ياشاماسيني تمثيل ائدير.و اونون ياخين گله جكده پارلاييب ايشيغا چيخارتماقي هامينين ميللي وظيفه سيدير.بو دور كي گؤنئي آذربايجانين آزادليق ساواشيندان سونرا،بو قارانليقدا يئريني پارلاق آي و اولدوزا وئريب آذربايجان طالئحي كيمي پارلاياجاقدير.

يئنه اوزومو سيز قايغي كئش فعاللار و تشكيلاتلارا توتوب سيزي اولو بابكين،داهي خييابانينين،بؤيؤك ستارخانين و نهنگ پيشه وه رينين روحونا آند وئريره م و سيزده ن بو تفره قه لره سون قويوب،ايتتيحاد و بيرليگي سيزده ن گؤزله ييره م.بيز حالي حاضيرده،هر زاماندان چوخ بيرليك يوخسولويوق.ايندي گؤن ضروره تي بو بيرليگي بيزده ن طلب ائدير كي اينشاللاه بيزده منليكله رده ن كئچيب اؤزوموزو آذربايجان اوقيانوسونا آتيب بيرليكده ايشيقلي سحره چيخاجاييق يادا كي بير دفعه ليك قيريليب باتاجاييق.

ياشاسين گؤنئي آذربايجان ميللي آزادليق حركاتينين دوشونن فعاللاري

ياشاسين ميللي بيرليگيميزي قورويوب اونا جان آتانلاري

ياشاسين حقيقي ميللتچي قهرمانلاريميز

حؤرمتله: بيرليك يولچوسو  اؤزگؤر سئوينديك  

   5/8/1387